منتديات جامعتنا

وربنا منورين المنتدى يا شباب احلى جامعه فى الدنيا .. بقولكم ايه احنا عايزين نكبر المنتدى ده و يبقى من احسن المنتديات الجامعيه الى موجوده . و دا مش هيتم الا اذا كان فيه اعضاء فعاله كتير
فا لو ليكم مزاج تسجلو ماشى .. ولو مش عايزين بردو ماشى .. و لو مسجلين اصلا يبقى ادخلو باسمكم و الباسورد و لو مش عايزين بردو ماشى .. و لو زهقتو و عايزين تقفلو المنتدى ماشى . بس طبعا لو سجلتو هتبقى حاجه حلوه ليا و ليكم ان شاء الله . بحبكم على فكره
منتديات جامعتنا

شباب جامعة المنصوره


    الحب

    شاطر
    avatar
    حاملة القرأن
    ابن المنتدى
    ابن المنتدى

    انثى
    عدد الرسائل : 2172
    العمر : 25
    بلدك ايه ؟ : مصر ام الدنيا
    كلية ايه : رياض اطفال
    هواياتك ايه ؟ : ذكر الله
    تاريخ التسجيل : 23/10/2009

    جديد الحب

    مُساهمة من طرف حاملة القرأن في الثلاثاء يوليو 12 2011, 04:37

    ♥.. الحب من النظرة الأولى ..♥


    أساطير ،،أغاني ،، أفلام ،،أحلام ،، روايات ،، وحودايت
    وكلام كثيــــــــــر بنسمعه عن الحب من النظرة الأولى ولغة العيون وحب النظرات ,,,
    فبين الوهم والحقيقة هنتكلم على الحب من النظرة الأولى Smile



    ألو أنا والقلوب ومنتداك

    أنا عندي مشكلة وعاوزة اعرف رأيكم ، انا ليا زميل في الكلية
    لاحظت نظراته ليا ، ومع الوقت بدأت أتشد له وأفكر فيه كثير غصب عني ، وبقالنا سنة على كده متكلمناش لكن كل الى بينا نظرات ! وأنا تعبانة جدا ومش عارفة أعمل إيه ؟
    ♥♥♥♥♥♥♥♥♥

    ألو أنا والقلوب ومنتداك

    انا عندى مشكلة أنا حبيت شخص أنا معرفوش بس بمجرد ما شفته حسيت إنى أتشديت له وبفكر فيه كثير والغريب إني حاسة إنى بحبه مش عارفة أعمل إيه ؟ هو ممكن احب حد كده من أول نظرة ؟
    بس متقولوليش إنه وهم ! ده حقيقة عايشاها اعمل إيه ؟

    ♥♥♥♥♥♥♥♥♥
    ألو أنا والقلوب ومنتداك
    انا فضلت إنا وزميلي نحب بعض بالنظرات أربع سنين وكنت متوقعة إنه هيخطبني بمجرد التخرج لكن لما خلصنا خطب واحدة تانية !!أنا مش قادرة أصدق ومصدومة
    معقوول بعد كل السنين دي



    الحالات كثير بين حب من النظرة الأولى أو تعلق بشخص بسبب شكله أو صفة من صفاته أو أسلوب كتابته أو طريقته,,,

    ولكن إيه رأيكم نرجع للبداية عشان نعرف أصل الموضوع


    من أول ما البنت بدأت تحس إنها كبرت وبدأت تحس إن ليها
    قلب بينبض
    قلبها اتخلق بالفطرة فيه مشاعر كثير لإنها بطبيعيتها عاطفتها قوية والقلب فاضى ومفهوش حاجة شغلاه (( هنرجع للنقطة دي تاني ))

    في الوقت ده بتبدأ تحلم بفارس الأحلام الى هياخدها على خروف قصدنا حصان أبيض أو عربية بيضا تبع التطور Smile

    كل أغنية تسمعها تتخيل إن حد بيغنهالها و كل فيلم أو قصة رومانسية تتخيل إنها بطلتها

    وتبدأ ترسم صورة لشخص فى بالها
    شكله كذا وصفاته كذا وأخلاقه كذا و تفكيره كذا
    وتبدأ تحلم وتحلم وتحب الصورة الى بالها
    تحبها بكل قوة وبكل مشاعرها ..!


    وفجأة يظهر طيـــــــف..!
    أى طيف فيه " شبه من الصورة " الي بتحبها ..
    فيه جزء من الحلم الى فى بالها ..

    فممكن بس تحس إنه شبه الصورة من النظرة الأولى
    أو فيه شبه فى بعض صفاته أو شىء من التفكير الى بتتمناه

    فى الوقت ده قلبها بيرمي كل مشاعر الحب الى بتحبها للصورة الي في بالها على الشخص ده Sad

    فتبدأ تحس فجأة بمشاعر قوية تجاه الشخص
    وكأنها بتقدم له قلبها ومشاعر وأحلام سنين عمرها !

    بتبدأ تركب صورة الشخص ده على الصورة الى رسمتها في خيالها
    وتبدأ تخليه مكانها في كل أحلامها

    وتفكر وتحلم وتتخيل وتسرح وتبنى بيوت وقصور
    ..على الرمال...

    ومبتديش لنفسها أى فرصة تفهم الحقيقة
    إنها بتحب صورة رسمتها مش الشخص نفسه !!!


    وده يفسر لنا حاجات كثير قدام منها ليه لما البنت في كثير من الأحيان بترتبط بالشخص ده بتصاب بخيبة الأمل
    شوية تقول لا مش هو ده مش هو ده الشخص الى حبيته !
    وشوية تقول اتغير ...! وشوية تقول انخدعت و...و...
    وتعددت العبارات والنتيجة واحدة



    اقتباس:
    محدش يقولى وهم


    ومين قال إن الوهم بيبقى وهم فى قلب صاحبه !
    طب عاوزين نقول كلام عام عن موضوع المشاعر هنبني عليه في حلقات كثير جاية

    الوهم شىء مش حقيقى لكنه حقيقى وواقع عند الى مصاب بيه

    فى الحمل الكاذب
    الواحدة بتحس بكل أعراض الحمل
    منقدرش نقول بتدعي أو بتوهم نفسها الأعراض هى فعلا حسه بيها
    لكن فعليا مفيش جنين !!!

    عارفين السراب ؟



    السراب ظاهرة بيشوفها الإنسان في الصحراء
    بيشوف كأن في مية على بُعد
    الحقيقة إنه فعلياً وهم برغم إنه شايف مية !

    فمينفعش نقوله ده وهم يقول لأ أنا شايفها بعيني
    صح أنت شايفها واقع ، لكن ده ميمنعش إنها وهم !

    فأحيانا كثيــــــــــــــــــــــــــر​ ,,,
    فى صحرا الحياة الي عيشينها وجفاف المشاعر
    بنتخيل ســـراب بعيـــــــــــــــــــد من مشاعر وهمـــــــــية


    واحدة تقول لاأنا مهتمتش Smile أنا مجرد إنشغلت بإهتمامه
    الي بتقول إنها كل ما تبص على زميلها تلاقيه بيبص عليها
    مين قالك إنه مش بيقول نفس الكلام ؟؟
    ما هو أنتى بردو بتبصي عليه
    فالفكرة إن الأثنين عاشوا الحدوتة من وهم ! وكل طرف انشغل لإنشغال الطرف التاني الوهمي في كثير من الأحيان !
    لإن وارد جداًإن البداية عينه وقعت عليها غلط فعاشت الوهم وهو لقاها بتبص قال بس معجبة بيا !

    لكن الحقيقة إن في ميل طبيعي فطري بين الذكر والأنثى
    وكل طرف عنده " فراغ عاطفي " نفسه يملاه ونفسه يحس بإن في حد مهتم بيه ، مع كم الأغاني والأفلام وقصص الصحوبية
    فبقى كل واحد عاوز يعيش "قصـــــة خاصة بيه "
    وعشان يعيش القصة مستني حد شبه الصورة الي في باله عشان يرمي عليها كل مشاعره ويبقى بردو عاش قصة حب !



    لو سألنا سؤال عام لكل بنت مرتبطة بقصة
    وقولنالها هدفك إيه من العلاقة دي ؟

    سؤال عجيب جداً أى حد فى الدنيا محتاج يحب ويتحب
    ويحس إن حد مهتم بيه وإنه مهتم بحد
    وبيحس إنه فرحان ومبسوط لو حس الإحساس ده وبيبقى إحساس حلو يخفف عنه ضغوط الحياة الكئيبة الى عيشينها

    جميل بس تحبى تحسى الإحساس ده بالوهم ؟؟
    تفتكرى الى بيشرب مخدرات بيشربها ليه ؟؟

    مخدرات ...!

    معلش أسفين على التشبيه بس بيشربها ليه ؟
    بيشربها عشان يهرب من الواقع و المشاكل والضغوط ويحس إنه مبسوط وسعيد مش كده ؟؟

    هو بيأذي نفسه ويضرها وبيعمل حاجة حرام وهيتحاسب عليها
    بس كل الى همه لحظات النشوة والسعادة الى هيعيشها فى وقت تناوله المخدرات ، برغم إن الألم بعد كده بيبقى كبير وبيدمر نفسه
    وبعد شوية يلاقى إنه محتاج أكثر فيزود الجرعة وأكثر وأكثر
    لحد
    the end
    خسر دنيته وأخرته !

    تخيلوا ومن غير زعل نفس المبدأ !

    البنت عايشة وحيدة وضغوط الحياة كثيرة ونفسها فى وسط الغيوم تلاقى حاجة تفرحها فتبدأ تعيش وهم جميل ترسمه فى خيالها وتصدقه وتتمادى فيه مع إن كثير بيرجع يشتكى إنه سابها وإنه خانها وإنه جرحها ,,,,

    لكن كل الهدف في البداية " كان لحظة عاوزة تحس فيها بالسعادة من غير ما تفكر فى النتايج "


    هنا لازم تكونى صريحة مع نفسك وفاهماها وتختاري أنتى عاوزة إيه ؟؟

    عاوزة تضحكي على نفسك وتعيشيها قصة والسلام عشان لحظات !
    حتى لو بتدمري قلبك وبتغضبي ربك !!
    ولا عاوزة تكوني مبسوطة بجد مش بوهم ..





    فلازم تكوني صريحة مع نفسك
    لإن فهمك لنفسك أول خطوة للتغير ,,,

    ولازم تبقى عارفة إن استمرارك فى خيالاتك عذاب !
    هتفرحى شوية إنك عايشة حلم لكن هتتألمي كثير ..

    لإن الحلم بيبقى جميل عشان مدته دقايق وبعدين نقوم من النوم
    مبننتحملش نتايجه ولا بندفع ثمنه وولا بنلام عليه !

    لكن لو قلبتى حياتك حلم
    هتتصدمي وهتخبطي راسك فى الحيطة كثير
    وبدل ما الحلم يكون جميل هيبقى كابوس

    وانتى نايمة مش هتتحاسبى على أحلامك لكن وأنتى واعية كل حاجة فى ميزان سيئاتك أو حسناتك


    يعني خلاصة الموضوع

    الحب من النظرة الأولى تعلق بصورة اتركب عليها مشاعرك القديمة كلها !

    فى كتب الفقه كنا بنقرى إنهم بيسموه "عشق الصور "
    والواحد مكنش بيفهم ليه بيسموه كده ! مع إن الحب مش بيقى لصورة دول بيبقوا ناس حقيقين من لحم ودم لكن هو فعلاً تعلق بصورة ..!

    سبحان الله شرائع الإسلام جاءت شاملة لكل حاجة بنحتاجها في حياتنا ..

    قال تعالى {قُلْ لِلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ إِنَّ اللَّهَ خَبِيرٌ بِمَا يَصْنَعُونَ * وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا } [النور : 31]

    الأية دي كانت تحل مشكلة لغة العيون وحب النظرات والتعلق لسنين وجراح ومشاكل وقصص في بريد الجمعة والبرامج الأذاعية !
    أمر واحد اتفرط فيه بقى سبب مشكلة ممكن بنت تعاني منها سنين
    فما بالك لو بقت كل الأمور متفرط فيها Sad


    إنتهت حلقتنا بفضل الله ..

    فإنتظرونـــــــــا في الحلقة القادمة
    عن " الحب الأول "

    مــــــــــــــــن
    ●♥●وأنا والقلوب ومنتداك ●♥●
    avatar
    على الصعيدى
    معانا من فتره
    معانا من فتره

    ذكر
    عدد الرسائل : 349
    العمر : 35
    كلية ايه : سوهاج صعيييييييييييييييييييدى
    هواياتك ايه ؟ : الرسم والسباحه
    تاريخ التسجيل : 26/08/2010

    جديد رد: الحب

    مُساهمة من طرف على الصعيدى في الخميس يوليو 14 2011, 20:51

    شكرا ليكى ياشروبدى على الطرح الجميل
    لكن انا مش معاكى فى الكلام ده كله
    ومش مقتنع
    avatar
    حاملة القرأن
    ابن المنتدى
    ابن المنتدى

    انثى
    عدد الرسائل : 2172
    العمر : 25
    بلدك ايه ؟ : مصر ام الدنيا
    كلية ايه : رياض اطفال
    هواياتك ايه ؟ : ذكر الله
    تاريخ التسجيل : 23/10/2009

    جديد رد: الحب

    مُساهمة من طرف حاملة القرأن في الخميس يوليو 14 2011, 21:54

    [b]ههههههههههههههههههههههه
    حرية الراى مكفولة للجميع وانا طبعا واجب عليا احترام راى حضرتك
    ونورت التوبيك والمنتدى كلوة
    avatar
    ملك العمرى
    معانا من فتره
    معانا من فتره

    انثى
    عدد الرسائل : 542
    العمر : 23
    بلدك ايه ؟ : مصر_الدقهلية_دكرنس
    كلية ايه : لسه فى ثانوى
    هواياتك ايه ؟ : القراءة و الكمبيوتر و النت و الرسم
    تاريخ التسجيل : 26/03/2010

    جديد رد: الحب

    مُساهمة من طرف ملك العمرى في الجمعة يوليو 15 2011, 09:12

    بصراحة يا شرويدى التوبيك بيبرر ان الخطأ صح
    بس انا شايفه ان لو الانسان بيمر حاجه وحشة فى حياته المفروض ميستسلمش ليها و يخليها تدمر حياته
    او مستفبله و اخلاقه
    لانه اكيد فى يوم من الايام هيلاقى الامل
    بس بجد اشكرك لانى ملاحظة انك اكثر عضوة نشيطة و موضيعها جديدة على المنتدى
    و بجد اهلا بعودتك يا بشمهندس على و يا رب نشوفك على المنتدى على طول

    عبدالرحمن البزيه
    لسه جديد
    لسه جديد

    ذكر
    عدد الرسائل : 2
    العمر : 29
    كلية ايه : الرومنسي
    تاريخ التسجيل : 06/01/2013

    جديد رد: الحب

    مُساهمة من طرف عبدالرحمن البزيه في الإثنين يناير 07 2013, 05:51

    لو اخسر العالم وياك انا ربحان
    مابي من الدنيا غيرك ابد انسان ..
    وانت غايب والا انت في قربي
    والله راضي .. راضي عليك قلبي

      الوقت/التاريخ الآن هو الأربعاء أبريل 18 2018, 22:41