منتديات جامعتنا

وربنا منورين المنتدى يا شباب احلى جامعه فى الدنيا .. بقولكم ايه احنا عايزين نكبر المنتدى ده و يبقى من احسن المنتديات الجامعيه الى موجوده . و دا مش هيتم الا اذا كان فيه اعضاء فعاله كتير
فا لو ليكم مزاج تسجلو ماشى .. ولو مش عايزين بردو ماشى .. و لو مسجلين اصلا يبقى ادخلو باسمكم و الباسورد و لو مش عايزين بردو ماشى .. و لو زهقتو و عايزين تقفلو المنتدى ماشى . بس طبعا لو سجلتو هتبقى حاجه حلوه ليا و ليكم ان شاء الله . بحبكم على فكره
منتديات جامعتنا

شباب جامعة المنصوره


    اسئله ملهاش اى 60 لازمه

    شاطر
    avatar
    عاشق سراب
    لسه جديد
    لسه جديد

    ذكر
    عدد الرسائل : 60
    العمر : 28
    بلدك ايه ؟ : بيلا
    كلية ايه : الخدمه الاجتماعيه
    هواياتك ايه ؟ : كرة القدم
    تاريخ التسجيل : 27/11/2010

    اسئله ملهاش اى 60 لازمه

    مُساهمة من طرف عاشق سراب في الأحد يناير 02 2011, 19:18

    اسئلة ملهاش اى لزمة و منفهمش بتتقال ليه‏
    دى كده حبة اسئلة عالماشى ملهاش اى لزمة منفهمش بتتقال ليه
    ^^^^^^^^^^^^^^^^^^^^^^^^^^^^^^^^^^^^^^^^^^^
    يعنى مثلا
    ^^^^^^^
    لابس و متشيك و ضارب الجل فى شعرك و ريحت البارفان جايبة لغايه اخر الشارع و بتفتح باب الشقة و جاي تنزل تلاقى حد من البيت شافك يقولك ( ايه ده هو انت خارج ؟ )

    - لا بجرب افتح الباب اصلهم قالوا فى صباح الخير يا مصر انه الحركة ديه بتنمى الذكاء
    ^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^ ^^^^^^^^^^^^^^^^^^
    خلصت خروجت و راجع البيت بتفتح الباب و داخل تلاقي الى بينده عليك بعد ما دخلت

    زكريا ترد و تقول نعم يقولك ( انت جيت ؟ )

    - لا لسه لما اجى هاقولكم
    ^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^ ^^^^^^^^^^^^^^^^^^^^^
    قاعد فى اوضتك و كبس عليك النوم اومت اتغطيت و مظبط حالك و طفيت نور الاوضة و لسه بتغمض عينك تلاقى حد بيفتح عليك باب الاوضة ويقولك (ايه ده هو انت هتنام ؟)

    - اكيد لا م انت شايفنى برقص باليه اهوه
    ^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^ ^^^^^^^^^^^^^^^^^^^^^^^
    او خلاص اتغطيت و طفيت نور الاوضة و عينك هتبتدى تروح فى النوم تلاقى حد بينادى عليك من اوضة تانية

    يا حسنين ترد وتقول نعم يقولك ( انت نمت ؟ )

    - يااااااااه فى سابع نومة و بتفرج على كابوس كمان
    ^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^ ^^^^^^^^^^^^^^^^^^
    او روحت مسكت التليفون مسكته و لسه بتضغط عالارقام عشان تتصل تلاقى الى بيقولك
    (ايه هو انت هتتكلم فى التليفون و لا ايه ؟)

    - لا يا عم دا الكابتن فى الجيم قالى على تمرين صوابع بعمله عالتليفون
    ^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^ ^^^^^^^^^^^^^^^^^^
    او معزومين عند ناس و لاحاجة و راييحين ترنوا الجرس يفتحلكم طفل او طفلة عساسيييييل اوى يقولكم
    ( ايه ده انتوا جيتوا؟)

    - معلش يا بنى العيب مش عليك انت لسه صغير
    ^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^ ^^^^^^^^^^^^^^
    رايح عند بتاع عصير القصب تقوله سلام عليكم فى خروب
    يقولك فى سوبيا و عصير قصب و تمر هندى و دوم و مانجة وبرتقال

    - طب يا عم قولى مفيش و خلاص ( جربوا السؤال ده بالذات )
    ^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^ ^^^^^^^^^^^^^^^^
    يجيى الراجل نازل من بيتهم الصبح ضارب البدلة و ماسك الشنطة و لسه بيدور العربية و جاى يطلع يلاقى البواب بيخبطله عالازاز و يقوله ( هو انت رايح الشغل يا بيه ؟ )

    - لا يا عم رايح العب نيد فور سبيد مع صحابى
    ^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^ ^^^^^^
    او التليفون رن و رحت رديت قعدت ترغى مع الى اتصل شوية و فى الاخر قفلت السكة

    تلاقى بعد شوية حد جاى يقولك (كان حد عايزنى عالتليفون ؟ )

    اه يا عم بس انا كلمته بالنيابة عنك و بعدين قفلت معاه ما اكيد لو حد عايزك كنت نادلتك يعنى
    ^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^ ^^^^^^^^^^^
    او بتكلم واحد صاحبك من على تليفون البيت تلاقيه بيقولك (انت فين دلوقتى يا بنى ؟)

    يااااااااااااه يا عم دانا فى جمصة بصيف
    ^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^ ^^^^^^^

    او يا سلام بقي عايز تروح حتة وتايه مش عارف توصلها قولت اسئل حد تقابل حد تقوله لو سمحت ما تعرفش شارع كذه فين يقولك ( هما قالولك فين ؟ )

    طب انا لو عارف هسئل حضرتك على انهى اساس يعنى
    ^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^ ^^^^^^^^^^^^
    و نخش عالتليفزيوووووووووووووووووووووووووون بقى
    ^^^^^^^^^^^^^^^^^^^^^^^^^^^^^^^^^^^^^^^^
    تلاقى المذيعة فى برامج الاهداءات بترد على اتصال طفل صغير عندك كام سنة يا عمر يقولها 5 سنين تقوله
    ( انت بتحب بابا و ماما يا عمر ؟)

    يعنى اكيد الواد لسه ما طلعلوش عرق الندالة و هيقولك دانا متخانق معاهم وسايبلهم البيت يعنى
    ^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^ ^^^^^^^^^^^^^^^
    ولا فى برنامج تانى واحد يتصل ترغى معاه شويه و فى الاخر تقوله تسمع معانا اغنية ايه يقولها مثلا اغنية تملى معاك بتاعت عمرو دياب تقوله( ايه ده انت بتحب الاغنية ديه؟ )

    لا طبعا طالبها عشان اشوفها كام دقيقة
    ^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^ ^^^^^^^^^^^^^^^^^
    او واحد متصل ليلة العيد تقوله ياترى هتقول ايه بقى لصحابك و قرايبك وجرانك و اخواتك و الدنيا كلها

    اكيد هقولهم البقاء لله و نلتقى بعد الفاصل



    avatar
    ملاك الرومانسيه
    معانا من زمان
    معانا من زمان

    انثى
    عدد الرسائل : 1539
    العمر : 26
    بلدك ايه ؟ : وانت مالك
    كلية ايه : رياض اطفا ل
    هواياتك ايه ؟ : الصيد-النت
    تاريخ التسجيل : 24/10/2009

    رد: اسئله ملهاش اى 60 لازمه

    مُساهمة من طرف ملاك الرومانسيه في الثلاثاء يناير 04 2011, 11:29

    هههههههههههههههههه
    بجد مش عارفه اولك حاجه من كتر الضحك
    اصله بيحصل كتير
    بالذات والواحد خارج او جاى من بره
    ههههههههههههه
    حلو اوى التوبيك ده
    تسلم ومن تقدم لتقدم
    avatar
    medo
    ابن المنتدى
    ابن المنتدى

    ذكر
    عدد الرسائل : 3708
    العمر : 29
    كلية ايه : DELTA ACADEMY
    تاريخ التسجيل : 07/07/2008

    رد: اسئله ملهاش اى 60 لازمه

    مُساهمة من طرف medo في الثلاثاء يناير 04 2011, 21:45

    ههههههههههههه
    فعلا ياعاشق بيحصل
    تسلم ايدك
    avatar
    عاشق سراب
    لسه جديد
    لسه جديد

    ذكر
    عدد الرسائل : 60
    العمر : 28
    بلدك ايه ؟ : بيلا
    كلية ايه : الخدمه الاجتماعيه
    هواياتك ايه ؟ : كرة القدم
    تاريخ التسجيل : 27/11/2010

    رد: اسئله ملهاش اى 60 لازمه

    مُساهمة من طرف عاشق سراب في الأربعاء يناير 05 2011, 10:43

    الجوهرى كتب:هههههههههههههههههه
    بجد مش عارفه اولك حاجه من كتر الضحك
    اصله بيحصل كتير
    بالذات والواحد خارج او جاى من بره
    ههههههههههههه
    حلو اوى التوبيك ده
    تسلم ومن تقدم لتقدم

    والله انا حاسس اننا قاعدين مع ناس من عالم تانى ويسلملى مرورك ياقمر
    avatar
    عاشق سراب
    لسه جديد
    لسه جديد

    ذكر
    عدد الرسائل : 60
    العمر : 28
    بلدك ايه ؟ : بيلا
    كلية ايه : الخدمه الاجتماعيه
    هواياتك ايه ؟ : كرة القدم
    تاريخ التسجيل : 27/11/2010

    رد: اسئله ملهاش اى 60 لازمه

    مُساهمة من طرف عاشق سراب في الأربعاء يناير 05 2011, 10:44

    medo كتب:
    ههههههههههههه
    فعلا ياعاشق بيحصل
    تسلم ايدك

    نورتنى ياميدوووووووووووو

      الوقت/التاريخ الآن هو السبت أبريل 21 2018, 12:16