منتديات جامعتنا

وربنا منورين المنتدى يا شباب احلى جامعه فى الدنيا .. بقولكم ايه احنا عايزين نكبر المنتدى ده و يبقى من احسن المنتديات الجامعيه الى موجوده . و دا مش هيتم الا اذا كان فيه اعضاء فعاله كتير
فا لو ليكم مزاج تسجلو ماشى .. ولو مش عايزين بردو ماشى .. و لو مسجلين اصلا يبقى ادخلو باسمكم و الباسورد و لو مش عايزين بردو ماشى .. و لو زهقتو و عايزين تقفلو المنتدى ماشى . بس طبعا لو سجلتو هتبقى حاجه حلوه ليا و ليكم ان شاء الله . بحبكم على فكره
منتديات جامعتنا

شباب جامعة المنصوره


    موضوع يهمك و يهمها و محدش يزعل ؟

    شاطر
    avatar
    احمد العمرى
    مدير المنتدى
    مدير المنتدى

    ذكر
    عدد الرسائل : 1685
    العمر : 27
    بلدك ايه ؟ : مصر
    كلية ايه : الفرقه الرابعه كلية تجاره شعبة ادارة اعمال
    هواياتك ايه ؟ : بحب كل حاجه
    تاريخ التسجيل : 14/02/2008

    هام موضوع يهمك و يهمها و محدش يزعل ؟

    مُساهمة من طرف احمد العمرى في الأحد أغسطس 24 2008, 04:18

    تذكير بمساهمة فاتح الموضوع :

    انا عارف ان كتير منكو لما يقرا الموضوع هيزعل وهيقول هو مش عاجبه حاجة !!! وممكن كمان حد يقلى يا سيدى احنا مبسوطين كدة خليك فنفسك انت !!! بس انا هقوله ... ولا مؤاخذة
    كتير من المواضيع لما بدخل ارد عليها وبتكون مواضيع مهمة ومحتاجة فعلا ابداء رأى مننا بلاقى معظم الردود
    مش بتزيد عن سطر!!! ومعظم الردود هى ... موضوع جميل ... مشكور عالموضوع .. تسلم ايدك ... موضوع هايل ...
    طب هو انت داخل علشان تقول الكلمتين دول وتخرج ولا مؤاخذة !!! طب فين تعليقك عالموضوع دى الناس اللى بتحط مواضيع دى بتتعب وممكن تفضل ساعة تختار عنوان جاذب للموضوع ناهيك عن اختيار مفردات الموضوع نفسه , يعنى اللى حط الموضوع ده عايز يشوف تفاعل , عايز يشوف اراء , ايه الفايدة لما تدخل تقله موضوع جميل وهو يقلك ميرسى لمرورك
    يعنى انا ساعات ادخل على مواضيع الاقى 10 موضوع جميل و10 ميرسى لمرورك طب احنا كدة استفدنا ايه ؟ طب انت دخلت قلت موضوع جميل متقول جميل ليه , ولا قول وجهة نظرك فيه , ولا قول حاجة انت شايف عكسها , يمكن ياخى نستفيد منك مهو اكيد انت عندك رؤية وليك وجهة نظر وليك راى فى اى موضوع بينطرح والا منكتش دخلت تكتب فى منتديات ولا مؤاخذة , لازم تبدى اسبابك لاتفاقك مع الموضوع او تعلق اى تعليق خاص بالموضوع غير الرد السلبى اللى بتدخل ترده وتطلع !!!ولا انت داخل علشان تزود عدد مشاركاتك ولامؤاخذة !!! مهو لو عايز تزود عدد مشاركاتك روح تسالى والعاب الاعضاء زود مشاركاتك , هتلاقى هناك العاب لذيذة جدا ومش محتاجة منك غير كلمة واحدة يعنى مشاركاتك هتزيد بسرعة هناك , ولو عايز تجامل صاحب الموضوع برده مش عيب , بس جامله برد اجابى رد فى تعليق ينفعك وينفعنى وينفع صاحب الموضوع وراعى برده ان انت النهاردة بترد بكرة هيبقى ليك موضوع , يعنى انا بتكلم علشانكو كلكو لان مفيش حد بيرد من غير ميحط مواضيع , يعنى انا بتكلم لمصلحتنا كلنا لجعل المنتدى افضل وكمان علشان نكون ايجابيين اكتر لان حاجة زى دى ممكن تخلينا ايجابيين فى حجات كتير وممكن تكسر عقدة السلبية عندنا كمصريين ... لا يا سيدى انا مش بتفلسف ولا ليا فى الفسلفة ولا مؤاخذة بس هى الحقيقة وصدقنى انا مش بهاجمك ولا ضدك بس انا نفسى نكون ايجابيين وانا بخاطب نفسى قبلك على فكرة وبحاول اكون ايجابى ويا ريت انت كمان تحاول وصدقنى لو حاولت ترد على اى موضوع بتعليق يثرى الموضوع هنشوف اجمل مواضيع وخصوصا ان فيه مواضيع هنا مهمة جدا وتستحق اننا نعلق عليها بكل اهتمام
    غير اننا نكتب كلمة ونمشى .


    _________________
    ارفع راسك فوق انت مصرى
    ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
    للشكاوى و الاقتراحات الهامه رجاء المراسله على
    emaaary@yahoo.com


    BIBA
    معانا من فتره
    معانا من فتره

    عدد الرسائل : 280
    تاريخ التسجيل : 18/11/2009

    هام رد: موضوع يهمك و يهمها و محدش يزعل ؟

    مُساهمة من طرف BIBA في الجمعة فبراير 12 2010, 03:56

    بجد بجد بجد موضوع يستاهل المناقشة
    انا أه من اللى بيعملوا كده بس ده فى حالتيين
    أول حالة لما بلاقى الموضوع رده فيه
    بشكر اللى كتبه على تعبه
    والحالة التانية لما بيكون عندى امتحان وعاوزة أخلص بسرعة عشان
    الكتااااب بيبقى بيناااااادينى
    وبجد بجد إن شاء الله ننفذ الكلام موش كلام وبس
    سهل إنك تقول بس موش سهل إنك تتفهم
    تحياااااتى
    SalamoOoOooz

    شهد
    معانا من فتره
    معانا من فتره

    عدد الرسائل : 821
    تاريخ التسجيل : 17/02/2010

    هام رد: موضوع يهمك و يهمها و محدش يزعل ؟

    مُساهمة من طرف شهد في السبت فبراير 20 2010, 07:52

    بجد عندك حق يا عمرى انتوا موجودين من زمان وانا لسه داخله بس فعلان حاسه ب كده
    وانا دخله المنتدى وناويه انى ارد بجد واكتب مواضيع من نفسى حتى ده تنميه ل العقل
    وبجد الاعضاء عددهم كبير اوى بسم الله ماشاء الله
    بس فى مشكله انهم مش بيدخلو كتير او بيدخلوا ومش بيردو
    او بيدخلوا وبيقول الكلام ال انت كتبه ده شكرا توبيك حلو والكلام الفاضى ده
    بجد زم نعمل كده
    عشان المنتدى ده بجد حلو اوى اوى اوى
    avatar
    الغامدي123
    لسه جديد
    لسه جديد

    ذكر
    عدد الرسائل : 22
    العمر : 30
    بلدك ايه ؟ : السعوديه بلاد الحرمين
    كلية ايه : كليه بابا
    هواياتك ايه ؟ : القراءة -السفر
    تاريخ التسجيل : 10/03/2010

    هام رد: موضوع يهمك و يهمها و محدش يزعل ؟

    مُساهمة من طرف الغامدي123 في الأربعاء مارس 10 2010, 22:01

    صراحة عمري انت ماقصرت ومجهودك مشكور ولكن لو سمحت لي عندي نقاط عايز اتكلم فيها 1)انت دكرت المشكلة ولكن وما اقتراحت اي حلول (2)من الحلول ان الي يطرح الموضوع يكون يترك مجال لنقاش يعني بمعنى سوال مثلا اوطلب راي واتمنا يكون ردي خفيف
    avatar
    احمد العمرى
    مدير المنتدى
    مدير المنتدى

    ذكر
    عدد الرسائل : 1685
    العمر : 27
    بلدك ايه ؟ : مصر
    كلية ايه : الفرقه الرابعه كلية تجاره شعبة ادارة اعمال
    هواياتك ايه ؟ : بحب كل حاجه
    تاريخ التسجيل : 14/02/2008

    هام رد: موضوع يهمك و يهمها و محدش يزعل ؟

    مُساهمة من طرف احمد العمرى في الخميس أبريل 22 2010, 00:05

    الف شكر يا جماعه على الردود
    و تعليقا على كلام الغامدى فا انت عندك حق انا مزكرتش الحل
    بس الحل معروف اننا فى اى موضوع نرد بإجابيه
    يعنى اه نشكر صاحب الموضوع و كل حاجه بس بعد كدا نقول رأينا سواء كنا ضد الموضوع او معاه
    و دا اسمه رد ايجابى
    و شكرا يا جماعه على التفاعل


    _________________
    ارفع راسك فوق انت مصرى
    ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
    للشكاوى و الاقتراحات الهامه رجاء المراسله على
    emaaary@yahoo.com

    avatar
    ابتسامة الحياه
    لسه جديد
    لسه جديد

    انثى
    عدد الرسائل : 39
    العمر : 26
    كلية ايه : حقوق
    هواياتك ايه ؟ : التطلع والمعرفه والشعر والقصص والسفر وحاجات كتير
    تاريخ التسجيل : 18/04/2010

    هام رد: موضوع يهمك و يهمها و محدش يزعل ؟

    مُساهمة من طرف ابتسامة الحياه في الخميس أبريل 22 2010, 02:20

    عندك حق يا احمد فكل الكلام ده
    انا لسه جديده فى المنتدى بس كل المواضيع اللى دخلت عليها ماشاء الله
    ردودكم كلها حلوه ومناقشاتكم بتشدنى للموضوع
    بس فيه مواضيع مفهاش نقاش بتحتاج اننا نقول اى كلمه من الكلام ده
    لكن لما بيكون موضوع نقاش كلنا بنقول رأينا بجد
    وان شأء الله نعمل اللى انتا قلت عليه علشان المنتدى يبقى اجمل
    avatar
    شعاع الفجر
    معانا من فتره
    معانا من فتره

    انثى
    عدد الرسائل : 262
    العمر : 24
    كلية ايه : هندسة زراعية
    تاريخ التسجيل : 25/03/2010

    هام رد: موضوع يهمك و يهمها و محدش يزعل ؟

    مُساهمة من طرف شعاع الفجر في الخميس أبريل 22 2010, 03:24

    والله بجد تسلم

    انا فعلا بتضايقني الطريقة دي جدا جدا

    بحس بملل وبحس اني معتش عايزة اشارك عشان عارفة ان دا هيبقا الرد

    بس أنا اللي شدني اوي اوي ف المنتدى دا التفاعل والنقاش باستمرار حاجة جميلة اوي بجد

    اعضاء زي السكر

    ياريت فعلا كل واحد يقول اللي عنده ويشاركنا ولو مفكر انه معنودش كلام فكر بس وبالراحة شوية وانت هتلاقي كتير

    تشكر بجد ع الموضوع
    avatar
    tarekkamalali
    معانا من زمان
    معانا من زمان

    ذكر
    عدد الرسائل : 1994
    العمر : 32
    بلدك ايه ؟ : المحلة الكبرى واعمل بالمملكة العربية السعودية
    كلية ايه : التجارة - قسم المحاسبة + دبلومة في المحاسبة
    هواياتك ايه ؟ : استكشف مع الوقت ؟
    تاريخ التسجيل : 04/04/2010

    هام رد: موضوع يهمك و يهمها و محدش يزعل ؟

    مُساهمة من طرف tarekkamalali في السبت أبريل 24 2010, 01:39

    اولا : السلام عليكم
    ثانيا : انا بحييك ياحمد على الموضوع دا بجد
    لانني فكرت من اربع ايام او خمسة ايام اني اسيب المنتدى وذلك للسبب اللي انت ذكرتة
    مش بس كدا انت لو بصيت للسبب اللي بيخلي الاعضاء ما بيحضروش
    عدم الجاذبية للآرااء ودا واعتمادها على الشكر وخلافة
    واعتقد اني ابديت رايي في احد الردوود في موضوع الاستاذة شهد واللي هوه بعنوان
    اسئلة محرجة للشباب والبنات
    وكان تعليقي يشمل ان معظم الردوود
    بتعتمد على المجاملات وتنقصها الصراحة المطلقة
    وقد رددت ايضا العبارة التالية من حين الى اخر
    شارك ولو بقليل الكلام واضف توقيعك ولو بابتسامة

    مش بس كدا انا لاحظت انه هناك من بين الزملاء من يتعصب لرأية ويكتفي بالشكر للخروج من دائرة النقااش ودا في حد ذاته اهانة



    اما بالنسبة لرأي الاستااذ الغامدي فانا متفق معااة
    وعلشان كدة انا فكرت في موضوع ما زلت لم انتهي منه بعنوان
    " آداب الحوار واساسيات التركيز " او "الحوار الساخن "
    والذي يعتمد على اساسيات النقااش والنظرة المتأملة الفاحصة للكلمات واثر ردنا على الغير والتركيز الفعاال والردود الايجابية وغيره ...


    اشكرك يا حمد للمرة الثانية ولو عندك مقترحاات للاضافة يا ريت تساعدني بيها
    وياريت كل عضو عايز يفيدني بحاجة في الموضوع يتفضل يبعتهالي على الخااااص
    اشكركم والسلام عليكم ورحمة الله
    avatar
    احمد العمرى
    مدير المنتدى
    مدير المنتدى

    ذكر
    عدد الرسائل : 1685
    العمر : 27
    بلدك ايه ؟ : مصر
    كلية ايه : الفرقه الرابعه كلية تجاره شعبة ادارة اعمال
    هواياتك ايه ؟ : بحب كل حاجه
    تاريخ التسجيل : 14/02/2008

    هام رد: موضوع يهمك و يهمها و محدش يزعل ؟

    مُساهمة من طرف احمد العمرى في السبت أبريل 24 2010, 06:04

    ان شاء الله يا طارق هحاول ابعتلك اقتراحات تساعدك فى الموضوع
    و بجد بجد انا بشكرك على ردودك الفعاله الى نشطة المنتدى وظهرت روح المناقشه عند الناس الى كانت مش بتناقش
    و الف شكر لكل الاعضاء الى بيحاول يوجهو المنتدى للطريق الصحيح
    عشان نبقى منتدى هادف و كلنا نستفاد من بعض
    و ياريت نتقبل اراء الاخرين بصدر رحب بعيدا عن اى تجريح
    و انا هنا ظبعا بلفت نظركم للحاجه دى مش بقول انها حصلت
    و شكرا يا جماعه كلكم على الاهتمام
    ابتسامة الحياه و شعاع الفجر و طارق كمال شكرا ليكم على وجه الخصوص


    _________________
    ارفع راسك فوق انت مصرى
    ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
    للشكاوى و الاقتراحات الهامه رجاء المراسله على
    emaaary@yahoo.com

    avatar
    ملاك الرومانسيه
    معانا من زمان
    معانا من زمان

    انثى
    عدد الرسائل : 1539
    العمر : 25
    بلدك ايه ؟ : وانت مالك
    كلية ايه : رياض اطفا ل
    هواياتك ايه ؟ : الصيد-النت
    تاريخ التسجيل : 24/10/2009

    هام رد: موضوع يهمك و يهمها و محدش يزعل ؟

    مُساهمة من طرف ملاك الرومانسيه في السبت أبريل 24 2010, 07:22

    عندك حق يا احمد فى اللى قولته وان شاء الله هيكون فى تفاعل اكتر من كده فى المواضيع
    avatar
    Mustafa Ahmed
    لسه جديد
    لسه جديد

    ذكر
    عدد الرسائل : 8
    العمر : 31
    بلدك ايه ؟ : مصر
    كلية ايه : طب
    هواياتك ايه ؟ : كل حاجة
    تاريخ التسجيل : 30/05/2011

    هام رد: موضوع يهمك و يهمها و محدش يزعل ؟

    مُساهمة من طرف Mustafa Ahmed في الجمعة يونيو 03 2011, 02:49

    بص الكلام بتاعك جميل وصح بس برضه انا ممكن ارض واعلق واجامل فى نفس الوقت ودى برضه حاجة ايجابية مش كدة ولا ايه وباذن الله هنخلى المنتدى ده احلى منتدى باذن الله و1000000000000 شكر على الاهتمام و النصيحة دى

      الوقت/التاريخ الآن هو الإثنين سبتمبر 25 2017, 06:09